📰 धारदार शस्त्र बाळगणाऱ्या इसमावर चाकण उत्तर पोलिसांची कारवाई

📰 धारदार शस्त्र बाळगणाऱ्या इसमावर चाकण उत्तर पोलिसांची कारवाई

📍चाकण (ता. खेड, जि. पुणे) –

चाकण उत्तर पोलीस स्टेशन हद्दीत पेट्रोलिंग दरम्यान एका इसमाकडून बेकायदेशीररित्या धारदार शस्त्र (कोयता) बाळगल्याप्रकरणी पोलिसांनी कारवाई केली आहे.

दि. 13 ऑगस्ट 2026 रोजी सायंकाळी सुमारे 7.40 वाजण्याच्या सुमारास पोलीस पथक चाकण गाव हद्दीत पी.डब्ल्यू.डी. ग्राउंड परिसरात गस्त घालत असताना गोपनीय माहितीच्या आधारे मार्केट यार्ड समोरील मोकळ्या जागेत एक इसम संशयास्पदरीत्या फिरत असल्याचे निदर्शनास आले.

या माहितीच्या आधारे पोलिसांनी तात्काळ घटनास्थळी धाव घेत संबंधित इसमाला ताब्यात घेतले. चौकशीदरम्यान त्याचे नाव समाधान उर्फ सोन्या सुरेश अवताडे (वय 21, रा. खंडोबा माळ, चाकण) असे असल्याचे समोर आले.

त्याच्याकडून एक लोखंडी कोयता जप्त करण्यात आला. सदर शस्त्र बेकायदेशीररित्या बाळगल्याप्रकरणी आरोपीविरुद्ध भारतीय शस्त्र अधिनियम 1959 अंतर्गत कलम 4(25) तसेच महाराष्ट्र पोलीस अधिनियम 1951 अंतर्गत कलम 37(1)/135 अन्वये गुन्हा दाखल करण्यात आला आहे.

ही कारवाई पोलीस उपनिरीक्षक चंद्रशेखर मोरखंडे, पोलीस हवालदार भैरोबा यादव, प्रीतम ढमढेरे, योगेश कोळेकर, महेश कोळी, शिवाजी लोखंडे व सुमित जगझाप यांच्या पथकाने केली.

सदर प्रकरणाचा पुढील तपास चाकण उत्तर पोलीस स्टेशन मार्फत सुरू आहे.

Websites Views :