📰 शिरूरमध्ये अमली पदार्थविरोधी कारवाई; मेफेड्रोनसह विधिसंघर्षित बालक ताब्यात

📰 शिरूरमध्ये अमली पदार्थविरोधी कारवाई; मेफेड्रोनसह विधिसंघर्षित बालक ताब्यात

शिरूर (पुणे ग्रामीण) : प्रतिनिधी -श्री योगेश लंघे (पाटील)

स्थानिक गुन्हे शाखा पुणे ग्रामीण आणि शिरूर पोलीस स्टेशन यांच्या संयुक्त कारवाईत मेफेड्रोन (एमडी) या अमली पदार्थाची विक्री करणाऱ्या एका विधिसंघर्षित बालकाला ताब्यात घेण्यात आले आहे.

दि. ११ एप्रिल २०२६ रोजी स्थानिक गुन्हे शाखेचे पथक शिरूर उपविभागात गुन्हे नियंत्रण व अमली पदार्थविरोधी मोहीम राबवत होते. त्यावेळी शिरूर बायपास येथील बंद पडलेल्या “नाना स्पॉट” हॉटेलजवळ एक बालक मेफेड्रोन विक्रीसाठी येणार असल्याची गोपनीय माहिती मिळाली.

या माहितीच्या आधारे वरिष्ठांना कळवून त्यांच्या मार्गदर्शनाखाली स्थानिक गुन्हे शाखा व शिरूर पोलिसांनी सापळा रचला. कारवाईदरम्यान संबंधित बालकाला ताब्यात घेऊन झडती घेतली असता त्याच्याकडून ६.९४ ग्रॅम मेफेड्रोन (एमडी) असा सुमारे ₹१,३८,८०० किमतीचा अमली पदार्थ जप्त करण्यात आला.

या प्रकरणी Shirur Police Station येथे गु.र. नं. ३२१/२६ अन्वये एनडीपीएस कायदा कलम 8(क), 21(ब) तसेच बीएनएस कलम 3(5) अंतर्गत गुन्हा दाखल करण्यात आला असून पुढील तपास सुरू आहे.

ही कारवाई पोलीस अधीक्षक Sandeep Singh Gill, अपर पोलीस अधीक्षक Ramesh Chopde आणि उपविभागीय पोलीस अधिकारी Prashant Dhole यांच्या मार्गदर्शनाखाली करण्यात आली.

स्थानिक गुन्हे शाखेचे पोलीस निरीक्षक प्रमोद क्षीरसागर तसेच शिरूर पोलीस स्टेशनचे पोनि संदेश केंजळे आणि त्यांच्या पथकाने ही यशस्वी कारवाई केली.

👉 अमली पदार्थांविरोधात पोलिसांची मोहीम अधिक तीव्र होत असून, अशा कारवायांमुळे गुन्हेगारीवर आळा बसण्यास मदत होत आहे.

Websites Views :