📰 ब्रेकिंग न्यूज | जुन्नर /आळेफाटा पोलिसांची कारवाई, गावठी पिस्टल व काडतुसांसह दोन सराईत गुन्हेगार जेरबंद

नाशिक जिल्ह्यातील रेकॉर्डवरील दोन सराईत गुन्हेगारांना गावठी बनावटीचे पिस्टल व जिवंत काडतुसांसह आळेफाटा पोलिसांनी अटक केली आहे. ही धडक कारवाई आळेफाटा एस.टी. स्टँड परिसरात करण्यात आली.

या प्रकरणी पोलिसांनी स्वप्नील सुनिल गोसावी (वय २५, रा. नाशिक) आणि आकाश दिनेश कोठे (वय २९, रा. नाशिक रोड) या दोघांना ताब्यात घेतले आहे. दोन्ही आरोपी सराईत गुन्हेगार असून त्यांच्यावर नाशिक जिल्ह्यातील विविध पोलीस ठाण्यांमध्ये चोरी, घरफोडी, बेकायदेशीर शस्त्र बाळगणे तसेच गंभीर मारहाणीचे अनेक गुन्हे दाखल आहेत.

विशेष म्हणजे, गंगापूर पोलीस ठाण्यातील एका गंभीर गुन्ह्यात हे दोघेही फरार असल्याची माहिती समोर आली आहे.

पोलिसांनी आरोपींकडून एक गावठी पिस्टल, ३ जिवंत काडतुसे आणि एक विना नंबरची रॉयल एनफिल्ड हंटर मोटारसायकल असा एकूण ४ लाख ५९ हजार रुपयांचा मुद्देमाल जप्त केला आहे.

Websites Views :