🔴 ब्रेकिंग न्यूज | महाराष्ट्र हादरला पुणे जिल्ह्यात 5 वर्षांच्या चिमुकलीवर अत्याचार करून निर्घृण हत्या

प्रतिनिधी- श्री योगेश लंघे पाटील

मावळ तालुक्यातील धक्कादायक घटना, आरोपी अटकेतविधानसभेच्या अधिवेशनात महिला सुरक्षेचा मुद्दा ऐरणीवर असतानाच, पुणे जिल्ह्यातील मावळ तालुक्यातून महाराष्ट्राला हादरवणारी घटना समोर आली आहे. पाच वर्षांच्या चिमुकलीवर अत्याचार करून तिची निर्घृण हत्या करण्यात आल्याची माहिती समोर येताच राज्यभर संतापाची लाट उसळली आहे.

घटनेचा तपशील:

शनिवारी सायंकाळी सुमारे सहा वाजता ही चिमुकली घरातून अचानक बेपत्ता झाली. रात्री आई कामावरून घरी परतल्यानंतर मुलगी दिसून न आल्याने शोधाशोध सुरू झाली. माहिती मिळताच पिंपरी–चिंचवड पोलिसांनी तातडीने शोधमोहीम राबवली.

प्राथमिक तपासात उघड झाले की, समीर कुमार मंडळ (वय 35 वर्षे) या आरोपीने संधी साधून चिमुकलीला घराजवळील काही अंतरावर नेले. तेथे तिच्यावर अत्याचार करून गळा दाबून हत्या केल्याचे पोलिसांनी सांगितले आहे. आरोपी विवाहित असून, तो काही दिवसांपासून मुलीवर लक्ष ठेवून असल्याची माहितीही समोर आली आहे.

पोलीस कारवाई:

आज सकाळी चौकशीदरम्यान संपूर्ण घटना उघडकीस आली असून आरोपीला अटक करण्यात आली आहे. पुढील तपास सुरू आहे.

परिसरात संताप:

या अमानुष घटनेमुळे मावळ परिसरात तीव्र संताप व्यक्त केला जात असून दोषीला कठोरात कठोर शिक्षा द्यावी, अशी मागणी होत आहे.

मुंबईतही मुलींच्या सुरक्षेचा प्रश्न गंभीर

मुंबईत अल्पवयीन मुलींच्या अपहरणाच्या गुन्ह्यांचे प्रमाण वाढत असल्याची नोंद पोलीस दप्तरी आहे. गेल्या 10 महिन्यांत अशा 1,187 गुन्ह्यांची नोंद झाली असून, फक्त ऑक्टोबर महिन्यात 136 प्रकरणे दाखल झाली आहेत. यापैकी 1,118 गुन्ह्यांची उकल करण्यात पोलिसांना यश आले असून उर्वरित प्रकरणांचा तपास सुरू आहे.

महिला व बालकांच्या सुरक्षेचा प्रश्न पुन्हा एकदा ऐरणीवर आला असून, कठोर उपाययोजनांची मागणी जोर धरू लागली आहे.

Websites Views :